Loksins loksins loksins Já, þið eruð ekki að sjá ofsjónir, nýja síðan er komin í loftið og nýtt efni mun streyma hingað inn á næstunni eins og venjan hefur alltaf verið á jonni.is ! Vona að ykkur líki nýja lúkkið en það gæti breyst eitthvað enda bara fyrsta atlagan !

Núna er ég kominn með mitt eigið kerfi og get séð um allt dæmið sjálfur. Er að keyra síðuna með Joomla vefkerfinu og fann alveg frábæra hýsingu hjá 1984.is. Núna eru líka komin Facebook Comment á fréttirnar svo það er um að gera að tjá sig um þær eins og enginn sé morgundagurinn ! En þó þetta sé góð byrjun er allskyns eftir, á eftir að koma öllum myndaalbúmunum og öðrum upplýsingum yfir. Er líka að vinna í því að koma öllum gömlu fréttunum inn í þetta kerfi, enda mikið af skemmtilegum ferðasögum og öðru sem mig langar að halda í.

En ég vona að þið séuð ekki búin að gleyma síðunni og komið henni aftur inn í daglega rúntinn ;) !

Kveðja, Jonni

Ofurhjólarinn Danny Macaskill var að senda frá sér nýtt video og það er alveg óhætt að segja að hann hafi ekkert slakað á síðan við fengum að sjá síðasta video frá honum. Þessi klippa er tekin upp á gamalli lestarstöð einhversstaðar í sveitum Skotlands. Þetta er alger geðveiki !

Þá er Ken Block aftur búinn að færa sig upp um level en nýlega gaf hann frá sér enn eitt Gymkhana myndbandið, eða það fjórða í röðinni. Nýja video-ið heitir "The Hollywood Megamercial" og myndbandið er alveg eftir því. Ekki láta þetta fara framhjá þér !

Annar þátturinn í vefþáttaseríunni The Moto Show, snilldar þættir þar sem farið er yfir allar hliðar mótorhjólasportsins ! Í þessum þætti mætir sjálfur Kurt Caselli og aðrir kappar !