Í dag var keppnisdagatal MSÍ birt fyrir keppnisárið 2012. Það er næg dagskrá framundan og sennilega stærstu fréttirnar að það er búið að fjölga Motocross keppnum upp í 6 og einnig Enduro keppnirnar sem verða 4 í ár. Eina ruglið sem ég skil ekki er þetta með að slakasta keppnin í Íslandsmótinu í MX og Enduro strikist út, þetta var víst gert til að geta fjölgað keppnunum því menn fóru strax að væla yfir ferðakostnaði og hvað ekki...

Bölvað rugl að mínu mati, Íslandsmót er Íslandsmót og þá mætir maður bara í allar keppnir og allar gilda !

En hér er keppnisdagatalið í öllu sínu veldi !

Fjórtándi þátturinn af Salomon Freeski TV er kominn á netið ! Í þessum þætti er farið í ferðalag á frekar framandi skíðasvæði í Kashmir á Indlandi. Þar er gríðarleg uppbygging og er þeir meira að segja komnir með "Heli Skiing" ! Gríðarlega flottur þáttur !

Eins og menn vita fór fyrsta umferðin í Íslandsmótinu í Ískrossi fram á Leirutjörn við Akureyri um þarsíðustu helgi, en það hefur ekki gengið þrautalaust að ná keppni á suð-vesturhornið vegna veðurs og aðstæðna. MSÍ leggur mikla áherslu á að Íslandsmótið verði klárað, en til þess þarf að keyra a.m.k. þrjár umferðir. Í ljósi þess mikla ferðakostnaðar sem við búum við í dag, þá hafa MSÍ og Akstursíþróttafélag Mývatnssveitar komist að samkomulagi um að 2. og 3. umferð Íslandsmótsins í Ískrossi fari fram á Mývatni helgina 17-18 mars n.k.

2. umferðin verður keyrð laugardaginn 17. mars á Stakhólstjörn og 3. umferðin verður svo keyrð sunnudaginn 18. mars, líklega í Álftabáruvogi. Þessa helgi fer fram hið margumtalaða Mývatnssmót, sem er ein allsherjar vetraríþróttaveisla. Dagskráin verður á þessa leið:

Föstudagurinn 16.03.12
14:00     Samhliðabrautakeppni á vélsleðum við Kröflu
16:00     Fjallaklifur (Hillcross) á vélsleðum við Kröflu
20:00     Snjóspyrna á vélsleðum við Skútustaði

Laugardagurinn 17.03.12
09:00     Ískross á vélhjólum við Skútustaði (2. umf. Íslandsmótsins)
14:00     Sno-Crosscountry á vélsleðum (2. umf. Íslandsmótsins)

Sunnudagurinn 18.03.12
10:00     Ískross á vélhjólum við Skútustaði (3. umf. Íslandsmótsins)

Verið velkomin í Mývatnssveitina.

F.h. stjórnar MSÍ og AM
Stefán Gunnarsson

Sjöunda umferðin af supercrossinu 2012 er komin inn á netið, "slicknick" alltaf klár í að plögga þetta fyrir okkur sem höfum ekki aðgang að Speed TV ! Þessa helgina var keppt í Dallas, "Live" útsending af öllu fjörinu og því allt í einum pakka !

AMA Supercross 2012 - Round 7 - Dallas - Torrent

Töff video frá Fox með motocrossaranum Ken Roczen og fjallahjólaranum Danny Hart þar sem þeir taka daginn saman á báðum vígstöðvum, virðast nú alveg geta bjargað sér utan sinnar greinar...