Svo nú þýðir ekkert annað en að smella sér í Mývatnssveitina og taka þátt í öllu fjörinu !

Flott video af bandaríska enduro kappanum Taylor Robert þar sem hann sýnir okkur smá trial takta á enduro hjólinu sínu í eyðibæ einhversstaðar í henni ameríku !

Eitt stykki vígalegur "teaser" frá Phil Yribar í 208 Productions af Matt Entz á hrikalegum púðurdegi þar sem hann sendir það svakalega ! Hrikaleg "drop" og hyldýpi af púðri getur ekki klikkað !

Franski ökuþórinn Guerlain Chicherit gerði sér lítið fyrir núna um helgina og lenti í fyrsta skiptið í sögunni "backflip" á bíl, en það gerði hann á sérsmíðuðum Mini svipaður og þeim sem hann keppti á í Dakar rally keppninni.

Atriðið fór fram í skíðabænum Tignes í Frakklandi og var lendingin gerð úr snjó. Frakkinn keyrði að sérsmíðuðum rampinum á nákvæmlega 37 km hraða og lenti fullkomlega. Seinna um kvöldið gerði hann þetta svo aftur og þá fyrir framan þúsundir áhorfenda sem fylgdust með !

Eins og flestir vita fer vetrarhátíðin Éljagangur fram á Akureyri um helgina og eins og síðustu ár mun KKA standa fyrir snjósleðaspyrnu og fer hún fram í Hlíðarfjalli á föstudagskvöldinu. Fjörið mun hefjast klukkan 20:00 og það verður opið fyrir veitingar í Skíðastöðum á meðan dagskráin stendur yfir.

Öflugustu sleðarnir + allar sleðahetjurnar = brjáluð tilþrif !

Fyrir þá sem vilja vera með í spyrnunni þá er þeim bent á að mæta klukkutíma fyrr og skrá sig á staðnum, 3000 kr. í peningum (enginn posi) og málið er dautt ! Mæta tímanlega ! Keppt verður eftirfarandi flokkum, gamlir, 800 undir - Pípur og svoleiðis leyft (ekki túrbo), 800 yfir - Allt leyft turbo og margt fleira.