Um helgina fór fram Unit FMX Pro Open 2011 keppnin, en það er alveg hrikalega töff hugmynd hjá Unit mönnum til að hjálpa til við uppgangs Freestyle Motocross-ins í Ástralíu. Þarna fá allir tækifæri til að koma og keppa í FMX og sýna hvað í þeim býr. Það eru nú þegar slatti af heimsþekktum nöfnum í FMX-inu frá Ástralíu og miðað við þessa keppni þá er greinilega alls ekki slæm staða á FMX-inu í Ástralíu því þarna sér maður fullt af nýjum nöfnum sem eru samt alveg hrikalega góðir. Í þessari keppni keppa menn "head-to-head" í útsláttarformi til sigurs. Á endanum voru það Luke McNeill og Kain Saul sem kepptu til úrslita og það var Luke McNeill sem sigraði með geggjuðu "run-i" ! Hrikalega flott keppni og flott effort til að hjálpa FMX-inu í Ástralíu !

Myndir frá FreeriderMX

Núna yfir helgina fer fram hið franska Bercy Supercross í 29 skiptið og í gær, laugardag, fór fram annað kvöldið í keppninni. Eftir svakalega baráttu í keppnum föstudagsins var spennan gríðarleg fyrir kvöldið og hún var svo sannarlega á suðupunkti á tímabili !

En fyrir þá sem ekki vita eru nokkrar keppnir í gangi yfir helgina í Bercy Supercrossinu og auk þess er keppt í nokkrum flokkum þó að International flokkurinn sé þar æðstur. En að keppnunum, Superpole er keppni um að setja hraðasta hringinn, Eliminator er niðurskurður þar sem 14 byrja og svo detta nokkrir út í hverri umferð þar til aðeins fjórir standa eftir í úrslitahíti, svo er 14 manna Main Event hvert kvöld og þau þrjú eru það eina sem gildir í keppninni um að verða King of Bercy. Svona svo þið áttið ykkur aðeins á þessu dæmi öllu saman !

Myndir frá VitalMX

En þá að keppni kvöldsins. Eftir óheppni Justin Barcia fyrsta kvöldið var spurning hvort hann ætlaði að snúa blaðinu við en allt kom fyrir ekki og í staðinn varð hann að hataðasta manni Frakklands eftir atvik í Eliminator keppninni, en þar eftir startið í Semi-Final-inu skoppaði Frakkinn Greg Aranda til og stökk ansi skakkt yfir fyrsta vúppsann og tók Justin Barcia niður í loftinu. Á myndbandi sést vel að þetta var algert óviljaverk en Barcia tók þessu alls ekki þannig og ákvað að bíða eftir að Aranda kæmi að honum eftir fyrsta hringinn og lokaði alveg á hann í beygju, stoppaði hann gersamlega með allskyns handapati og rugli. Aranda var ekki sáttur enda klúðraði Barcia með þessari fáránlegu óíþróttamannslegu hegðun fyrir honum séns á að komast í úrslitin í Eliminator keppninni. Aranda elti Barcia út úr brautinni og var tilbúinn að segja honum til syndanna með hnefunum, en Barcia flúði eins og kelling inn í pitt og lét ekki sjá sig, enda Franska "crowd-ið" brjálað útí hann. Svo kom að Main Event kvöldsins og þar þorði Barcia heldur ekki að sýna sig. Það voru því bara 13 sem störtuðu og hver annar en Bandaríkjamaðurinn Mike Alessi sem tók startið með landa sinn Kyle Chisholm á eftir sér. Þegar hítið var um hálfnað náði Chisholm svo framúr Alessi og í leiðinni endaði Alessi út úr braut. Eftir það var Chisholm einn á báti til enda og sigraði annað kvöldið í Bercy Supercrossinu eftir annað sæti fyrsta kvöldið, en Eli Tomac sem vann fyrsta kvöldið var annar þetta kvöldið og þeir því jafnir að stigum fyrir "King of Bercy" titilinn. Vel verðskuldað varð svo í þriðja sætinu Greg Aranda eftir öll átök kvöldsins. Eftir keppnina mannaði Justin Barcia sig upp og kom fram fyrir almúgann og bað Greg Aranda afsökunar, "crowd-ið" var þó alls ekki sátt með kappann og búaði og lét ýmislegt fjúka í átt til hans !

Þriðja og síðasta kvöldið framundan í kvöld og þá kemur í ljós hver verður "King of Bercy" 2011 !

Video frá Bercy Supercross 2011 - Main Event - Laugardagur:

Úrslitin úr Bercy Supercross 2011 - Laugardagur:

1. Kyle Chisholm (USA, Yamaha)
2. Eli Tomac (USA, Honda)
3. Greg Aranda (FRA, Kawasaki)
4. Nick Wey (USA, Kawasaki)
5. Cedric Soubeyras (FRA, Honda)
6. Fabien Izoird (FRA, Suzuki)
7. Tommy Searle (GBR, Kawasaki)
8. Mike Alessi (USA, Suzuki)
9. Cyrille Coulon (FRA, Suzuki)
10. Arnaud Tonus (SUI, Yamaha)
11. Jake Weimer (USA, Kawasaki)
12. Christophe Martin (FRA, Honda)
13. Khounsith Vongsana (FRA, Suzuki)
14. DNS - Justin Barcia (USA, Honda)

Topp 10 í King of Bercy eftir 2 kvöld:

1. Kyle Chisholm (3 p.)
2. Eli Tomac (3 p.)
3. Nick Wey (9 p.)
4. Cedric Soubeyras (12 p.)
5. Mike Alessi (12 p.)
6. Jake Weimer (14 p.)
7. Arnaud Tonus (16 p.)
8. Fabien Izoird (16 p.)
9. Greg Aranda (17 p.)
10. Tommy Searle (18 p.)

Hérna er svakaleg klipp sem var í Slednecks 14 ! Slednecks GoPro Clip of the Week, er að þessu sinni með Brad Gilmore þar sem hann tekur alveg sjúkt "drop" niður hrikalegt klettagil, lendingin var svo harkaleg að GoPro vélin slitnaði af en lendingin heppnaðist samt hjá kappanum !

Núna yfir helgina fer fram hið franska Bercy Supercross í 29 skiptið og í gær, föstudag, fór fram fyrsta kvöldið í keppninni. Brautin í ár er gríðarlega flott með nokkra risa palla og krefjandi "rythma" kafla. Slatti af Bandarískum ökumönnum voru mættir til leiks og skapaðist svakaleg barátta á þessu fyrsta kvöldi keppninnar.

Myndir frá VitalMX

En fyrir keppnina voru allra augu á sigurvegara síðasta árs, Bandaríkjamanninum Justin Barcia og svo á Frakkanum Gregory Aranda sem átti hraðasta hringinn í undanrásunum eða Super Pole eins og það kallast. En þegar kom að aðalhítinu snerist allt heldur betur við strax í fyrstu beygju þar sem all nokkrir ökumenn lentu saman og þar á meðal Barcia og Aranda sem þurftu báðir að hætta, Barcia með brotna teina. En þá var það liðsfélagi og landi Barcia, Eli Tomac sem tók málin í sínar hendur og leiddi alla hringina til sigurs. Annar endaði Kyle Chisholm og í þriðja endaði Jake Weimer. Svo það voru Bandaríkjamenn sem hirtu allar topp stöðurnar þetta kvöldið. Efsti Evrópubúinn var Ítalinn Arnaud Tonus í fimmta sæti.

Annað spennandi kvöld framundan í kvöld og svo kemur í ljós á sunnudag hver verður "King of Bercy" 2011 !

Video frá Bercy Supercross 2011 - Main Event - Föstudagur:

Úrslitin úr Bercy Supercross 2011 - Föstudagur:

1. Eli Tomac (USA, Honda)
2. Kyle Chisholm (USA, Yamaha)
3. Jake Weimer (USA, Kawasaki)
4. Mike Alessi (USA, Suzuki)
5. Arnaud Tonus (SUI, Yamaha)
6. Cedric Soubeyras (FRA, Honda)
7. Nicolas Aubin (FRA, Honda)
8. Christophe Martin (FRA, Honda)
9. Fabien Izoird (FRA, Suzuki)
10. Nick Wey (USA, Kawasaki)
11. Tommy Searle (GBR, Kawasaki)
12. Justin Barcia (USA, Honda)
13. Greg Aranda (FRA, Kawasaki)
14. Dylan Ferrandis (FRA, Kawasaki)

Jói Kef er greinilega á fullu að græja brautina fyrir okkur þann 5. nóvember þegar Endurocross keppnin fer fram í Sólbrekku ! Hér rúllar Kefarinn hringinn og gefur okkur smá "preview" !