Tekið af www.mbl.is:

Keppni í þolakstri á vélhjólum sem átti að fara fram á Kirkjubæjarklaustri nk. laugardag hefur verið frestað um ótilgreindan tíma vegna öskufalls frá eldgosinu í Grímsvötnum.

Karl Gunnarsson, formaður mótorhjóla- og snjósleðaíþróttasambands Íslands, segir í samtali við mbl.is að keppnisstjórn Vélhjólaíþróttaklúbbsins, sem stendur fyrir keppninni, hafi tekið þessa ákvörðun í morgun.

„Það er ekki forsvaranlegt að fara inn á þetta svæði. Menn eru að hjóla í sex tíma í öskuryki. Svo er sveitin varla tilbúin að taka við okkur,“ segir Karl. Menn vonist til þess að hægt verði að halda keppnina í september.

Um 430 keppendur voru skráðir til leiks, þar af 12 erlendir keppendur frá Svíþjóð og Kanada. „Okkur reiknaðist til að þetta gæti verið á bilinu 1.500 til 2.000 manns sem fylgja mótinu,“ segir Karl og bætir við að erlendir blaðamenn hafi verið búnir að boða komu sína hingað til lands.

Karl segir að gosið í Eyjafjallajökli í fyrra hafi ekki haft þessar afleiðingar og keppnin hafi því verið haldin án vandræða. „En eins og staðan er núna þá er þetta náttúrulega bara „disaster“.“

Keppnin kallast á ensku Trans Atlantic Off-Road Challenge, en er kölluð Klausturskeppnin. Hún byrjar ávallt klukkan 12 á hádegi og lýkur kl. 18. Hjá flestum er keppnisfyrirkomulagið þannig að tveir eru saman í liði og skiptast þeir á að hjóla.

Hrikalega töff klippa frá GoPro þar sem brunað er yfir AMA/FIM Supercross tímabilið 2011 ! Flottar klippur og allt tekið upp með GoPro vélum ! Þetta tímabil situr ennþá í manni... Það yrði nú svakalegt ef AMA/FIM Motocross tímabilið í sumar yrði eitthvað svipað !

Atvinnu freeskíðarinn og Dakar rallýkappinn Guerlain Chicherit var að senda frá sér alveg geðveikt video þar sem hann stælar svona hálfpartinn Gymkhana video-in hans Ken Block nema hann tekur á því í Dakar rallýjeppanum í snjó í Tignes, Frakklandi ! Þetta video er alveg geðveikt, en hann tekur alveg sver stökk og tekur meira að segja rail á bílnum ! Gaman að segja frá því að Xavier Bertoni einn besti vinur Guerlain og annar Freeski atvinnumaður var í farþegasætinu !

Akureyringarnir Bjarki Sig og Baldvin eru búnir að vera úti í Svíþjóð núna í nokkrar vikur að sleðast með ýmsum flottum gaurum og þar á meðal Ruff Riders krúinu ! Gummi Skúla og Danni eru líka búnir að vera úti og það hefur ekki beint verið leiðinlegt hjá þeim ! Ég heyrði í þeim fyrir stuttu og þá voru þeir á leiðinni upp til Riksgransen að sleðast með Daniel Bodin, Jimmy Blaze, Kourtney Hungerford o.fl. legendum !

Hér eru tvö video sem Bjarki var að smella inn á YouTube úr hjálmkamerunni sinni frá geggjaðri trjávitleysusleðun ! Ekki beint leiðinlegt ! Vona að við fáum fleiri myndir og video frá þeim sem fyrst !

Þessi trailer er nýlega sloppinn á netið en þetta er nýtt "crew" frá Alaska sem eru að vinna að nýrri sleðamynd sem ég er reyndar ekki búinn að finna dagsetningu á en miðað við þennan trailer get ég ekki beðið því þetta er gott stöff ! Þessir gæjar eru með gott auga og þarna eru líka flottir keyrarar ! Ef Slednecks gengið uppar sinn leik ekki vel fyrir næstu mynd á þessi eftir að gefa þeim spark í rassinn !