Um helgina fór fram þriðja keppnishelgin í ISOC Snocrossinu og nú var keppt aftur á Canterbury eftir nokkra ára hlé. Brautin var svona "stadium" en með flottum "rythma" köflum og grófst svakalega þegar leið á. En umferðir helgarinnar í Pro Open voru alveg hrikalega spennandi og gríðarleg barátta í gangi. Eins og ég hef áður sagt ætla bara að fjalla um Pro Open hérna á síðunni en hvet ykkur til að fylgjast með Pro Lites þar sem virkilega flottir ökumenn eru á ferð !

Á föstudeginum fór fram fyrri umferð helgarinnar í Pro Open. Dan Ebert byrjaði á að taka holuskotið en Ross Martin var fljótur að hirða forystuna með Robbie Malinoski og Darrin Mees á hæla sér. Robbi Malinoski og Ross Martin börðust um forystuna en á meðan var Tucker Hibbert í bölvuðu klúðri og var aftarlega í röðinni. Ross Martin hélt áfram að leiða en á þessum tíma var Tim Tremblay búinn að vinna sig upp úr öftustu sætunum og var fljótlega kominn í toppbaráttuna og með hraðasta hring kvöldsins leið ekki á löngu þar til hann fékk tækifæri til að ná forystunni. Ross Martin og Robbi Malinoski lentu saman í beygju og Tim Tremblay stakk sér framúr og hélt forystunni eftir það. Robbi Malinoski tók annað sætið og Ross Martin endaði þriðji eftir að nýgræðingurinn Darrin Mees gaf honum það þegar hann krassaði á síðasta hring.

Á laugardeginum fór fram seinni umferð helgarinnar í Pro Open. Robbie Malinoski tók holuskotið með liðsfélaga sinn Darrin Mees og Tim Tremblay á eftir sér. Eftir níu hringi höfðu þessir þrír náð talverðu forskoti á restina en þá ákvað Tucker Hibbert loks að skipta um gír og á einum hring keyrði hann sig upp í annað sætið og sótti að Robbi Malinoski í fyrsta sætinu. Keyrslan á honum var svakaleg og á sextánda hring hirti hann forystuna en Robbie Malinoski veitti honum hörku keppni síðustu hringina sem ætlaði að trylla áhorfendur. En fyrstur yfir endalínua var Tucker Hibbert með Robbie Malinoski á eftir sér og í þriðja endaði Ross Martin.

Hrikaleg keppnishelgi í ISOC Snocrossinu 2012 og spennan heldur áfram !

Myndir frá www.isoc.com

Smellið á "Lesa meira..." til að sjá úrslitin frá Canterbury !

Um helgina fór fram fyrsta umferðin í AMA Supercross-inu 2012 og eins og síðustu ár var keppt í Anaheim. Allir topparnir voru mættir til leiks fyrir utan Trey Canard sem horfði á af hliðarlínunni vegna meiðsla. Brautin þessa helgina var mjög ólík því sem við höfum séð, mikið af skrítnum pöllum og beygjum og lítill hraði, margir voru í erfiðleikum með að byggja upp "rythma" í henni en það var alveg klárt að hún hristi upp dæminu fyrir áhorfendur ! En án þess að ljóstra neinu upp þá ætla ég bara að segja að þessi keppni sveik engann og klárt að þetta verður spennandi tímabil ! Eins og alltaf eru úrslitin falin fyrir þá sem eiga eftir að horfa á keppnina en fyrir hina þá er þetta allt handan við hornið...

Myndir frá TWMX

Smellið á "Lesa meira..." til að sjá úrslitin frá Anaheim !

Fyrsta umferðin af supercrossinu 2012 er komin inn á The Pirate Bay, maður getur alltaf treyst á "slicknick" að plögga þessu fyrir okkur sem höfum ekki aðgang að Speed TV ! Útsendingin var "Live" í gær og því er öll veislan saman í einum pakka ! Þetta er stundin sem við höfum öll beðið eftir ;) !

AMA Supercross 2012 - Round 1 - Anaheim - 250 & 450:

http://thepiratebay.org/torrent/6941255/

Kvöldið er runnið upp, fyrsta umferðin á nýju tímabili í Supercrossinu fer fram í kvöld í Anaheim ! Eftir síðasta tímabil sem fór í sögubækurnar sem mest spennandi tímabil allra tíma þá er ekki annað hægt en að vera spenntur fyrir komandi tímabili ! Allir topparnir eru klárir í slaginn og hver öðrum hungraðari í titilinn !

Sem upphitun tók ég hérna saman flott video af helstu köppunum til að lifa af þar til "Slicknick" goð allra Supercross áhugamanna utan ameríku smellir keppninni inn á netið !

Hver ætli starti þessu tímabili með fyrsta sigrinum ?

Ryan Villopoto #1

Chad Reed #22

Ryan Dungey #5

James Stewart #7

Trey Canard #41

Um helgina fer fram þriðja keppnishelgin í ISOC Snocross seríunni 2012. Þessa helgina fara Pro umferðirnar fram í kvöld (föstudag) og svo á morgun (laugardag). Hægt verður að sjá beina útsendingu af keppninni á netinu ! Ross Martin leiðir Pro Open flokkinn en miðað við síðustu umferð þarf hann að taka vel á því til að halda Tucker Hibbert í skefjum ! Ekki missa af brjálaðri Snocross spennu í beinni !

ISOC Snocross 2012 - Round 5/6 -  Canterbury - Dagskrá (íslenskur tími):

Föstudagur:
23:05 - Pro Lite #1  - Round 1
00:20 - Pro Open  - Round 1
00:40 - Pro Lite #1 - Round 2
01:30 - Pro Open - Round 2
01:50 - Pro Lite #1 - LCQ
02:30 - Pro Open - LCQ
02:55 - Pro Lite #1 - Final
03:15 - Pro Open - Final

Laugardagur:
22:30 - Pro Lite #2  - Round 1
00:20 - Pro Open  - Round 1
00:40 - Pro Lite #2 - Round 2
01:55 - Pro Open - Round 2
02:05 - Pro Lite #2 - LCQ
02:30 - Pro Open - LCQ
02:55 - Pro Lite #2 - Final
03:15 - Pro Open - Final

Heildardagskrá má finna á síðu ISOC hér !