Um helgina fór fram fimmta keppnishelgin í ISOC Snocrossinu og nú var keppt í Farmington, New York. Keppt var bæði föstudag og laugardag en það var búið að fresta þessari keppni um tvær vikur vegna snjóleysis. Keppnin um helgina var hrikalega spennandi í Pro Open flokknum þrátt fyrir að Tucker Hibbert væri fjarverandi á Heimsmeistaramótinu. Eins og ég hef áður sagt ætla bara að fjalla um Pro Open hérna á síðunni en hvet ykkur til að fylgjast með Pro Lites þar sem virkilega flottir ökumenn eru á ferð !

Á föstudeginum var hífandi rok og ekki spennandi aðstæður til keppni en eftir að Zack Pattyn hafði gripið holuskotið var það Robbie Malinoski sem tók forystuna af honum. Eftir það náði hann að halda Tim Tremblay fyrir aftan sig restina af hítinu og sigraði, Tim Tremblay annar og Zack Pattyn náði sínum fyrsta palli í vetur í þriðja.

Á laugardeginum voru mun betri aðstæður og þá var það Cody Thomsen sem náði holuskotinu með Ross Martin á hælum sér og þar næst Robbie Malinoski. Hægt og rólega náði Ross Martin að koma sér í stöðu og tókst loks að krækja í forystuna af Cody Thomsen og frá þeim punkti var ljóst að hann tæki fyrsta sætið. Cody Thomsen klúðraði sér og það var Robbie Malinoski sem endaði annar á undan Tim Tremblay í þriðja.

Flott keppni í ISOC Snocrossinu 2012 og þetta verður greinilega barátta til enda !

Myndir frá ISOC

Smellið á "Lesa meira..." til að sjá úrslitin frá Farmington !

ISOC Snocross 2012 - Round 8 - Farmington - Pro Open

ISOC Snocross 2012 - Round 9 - Farmington - Pro Open

ISOC Snocross 2012 - Points - Pro Open

Nánari úrslit má finna á síðu ISOC